إلى عيدي....
(عيدك بعين الله)
..... ******......
جيت ازورك...
واغصب الروح على چذبة
وبلكي اشوفك
جيت ازورك
وچنة صوتك بالگبر
يصرخ هلة
جيت اشكيلك همومي التعبتني
وآنة من بعدك زغير
وتايه يدور هلة
وياكبر حسرات گلبي
بكبر حسرات الحسين
من نذبح عبدالله بيدة
وبسهم من حرملة
جيت اتمنة اشوفك
ونگعد بفي الگبر
حتى احط راسي على حجرك
وانكت هموم الدهر
جيت حسبالي اشوفك نذكر ايام المضت
لا لگيتك.... لاسمعت صوتك يگلي
هلة يا.... كل العمر
ياگبر بالله گلي
هم يسولفلك عليّ
هم يگلك چنة واحد
والعمر من اولة
جيت ازورك
حتى اگلك... انتةدنياتي وسلوتي
وعيدي دونك ماحلة
ابو محمد العبودي
2022/5/4
ليست هناك تعليقات:
إرسال تعليق