الصّبح عاصوت المطر وعيت
وخمار أبيض غطّى على عيوني
وشلال حب من السّما حسيت
بصابيع نور يدغدغ جفوني
بإيدين عم ترجف فرح مديت
احضنك وضمك متل ايقونة
ابنيلك بين ضلوع الصّدر بيت
تَـ نبض قلبك خزنو مونة
وخربش عَ حيطانو شو تمنيت
قصيدة حب... بالعطر معجونة
وقديش عا بواب السّما ناديت
يرد الصّدى بكلمات نادوني
ومتل ال كأنو هَمَسْ عالسكيت
ومن غير وعي إيدين حملوني
عا دفتر الذكرى ...هالحلم خبيت
بكيت وصحتْ بكلمة الـ ياريت
يطول حلمي اليوم وما يصحوني
*********
أقحوانة
صباح المطر وريحة الطهر
ليست هناك تعليقات:
إرسال تعليق