يمه فدوه إتأكّدي
بمدة ايديچ
يمّـه هالصنـــــدوگ
ذل #راوانـــــــه
يمّه قشمرنه
ولعب لعب الجهــال
صــــار ضــدنه
وحســــّبينه #ويانه
يمّه ملهوفيـن
جيناه مصطفين
البنفســج شـــاخ
عاف #الوانــه !
يمّه شــفنه نجـوم
ظهريّه وتلوح
يمّه شـــفناهه
صــدگ #بِسَــــمانَه
اشـــترينه الحنطه
باعونه شعير
والنطرناه يمّــه
شـــو #جافانــــه ؟
يمــه والطيبيـــن
ما إلهم مچـان
يمّه محجـــوز
الوطـــن #لَعدانـــه
يمّــه حسـبالچ
مثل ذاك الزمان
راح درهمنـــه
وخذوهه #العانَــه
يمّـه مليارات
وبنــوگ ورصيـــد
يمــّه عرمه
بلا خجل #دنيانـــه
وكحه دنيتنه
غدت دنية وحوش
يمّــه ضيّعنـــــه
صدگ #ملفانـــه
يمّـه إصبعـچ
لا تعضّينه حـرام
صيحي حسبي الله
على #الأذّانه
(العانه)
[عمله معدنيه عراقيه.. كانت تعادل 4 فلس عراقي…].
بقلمي:
الشاعرمحمدكريم البديري.
ليست هناك تعليقات:
إرسال تعليق